90–ամյա զբոսաշրջիկն ուշագնաց է եղել Մոսկվա–Երևան չվերթի ժամանակ

ԵՐԵՎԱՆ, 4 մայիսի./Նովոստի–Արմենիա/. 90–ամյա զբոսաշրջիկ Դոլորեսը կորցրել է գիտակցությունը Մոսկվա–Երևան չվերթի ժամանակ։

Չվերթը ժամանել է Երևան նախօրեին։

Ինչպես «Նովոստի–Արմենիա» գործակալությանը տեղեկացրեց բժիշկ Լիանա Քարամյանը, որը ևս գտնվում էր օդանավում, նա գործընկերոջ հետ տեղում օգնություն է ցուցաբերել Դոլորեսին։

«Հրամանատարը խնդրեց բժիշկներին արձագանքել։ Ես և ևս մի բժիշկ, ով օդանավում էր, օգնեցինք կնոջը։ Նրա ճնշումն ընկել էր։ Օդանավի մոտ կնոջը սպասում էր շտապօգնության մեքենան», – նշեց Քարամյանը։–0–