49-ամյա տղամարդը գերեզմաններից զարդանախշեր է գողացել ու բռնվել է

ԵՐԵՎԱՆ, 5 օգոստոսի./Նովոստի-Արմենիա/. Ոստիկանության Արտաշատի բաժնի քրեական հետախույզները օգոստոսի 3-ին տեղեկություններ էին ստացել, որ մայրաքաղաքի 49-ամյա մի բնակիչ Արտաշատ քաղաքի վարչական տարածքի գերեզմանատներից զարդանախշեր է գողացել և իր վարած «ՎԱԶ-2106»-ով ուղևորվում է Երևան, հաղորդում է ՀՀ ոստիկանությունը։

Իրացնելով օպերատիվ տվյալները՝ Արտաշատի քրեական հետախույզները ժամը 03.20-ին 49-ամյա տղամարդուն և 27-ամյա ուղևորին, գողություն կատարելու կասկածանքով, բերել են ոստիկանության Արտաշատի բաժին և ձերբակալել: Բաժնում 49-ամյա տղամարդը խոստովանել է, որ ժամը 01.00-ի սահմաններում Արտաշատի քաղաքային գերեզմանատան երեք գերեզմաններից գողացել է զարդանախշեր, որոնք «ՎԱԶ-2106»-ի սրահում են:

Բերման ենթարկվածները ներկայացվել են նախաքննական մարմնին:
Նախաձեռնվել է քրեական վարույթ:

անուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:-0-