ԵՐԵՎԱՆ, 4 նոյեմբերի./Նովոստի–Արմենիա/. Նոյեմբերի 2-ի երեկոյան Աշոցքի բաժնում տեղեկություն է ստացվել, որ Գյումրիի «Դվին» հանդիսությունների սրահի մոտ մեկը պատրաստվում է թմրամիջոց օգտագործել, հաղորդում է ՀՀ ոստիկանության մամուլի ծառայությունը:
«Ձեռնարկված միջոցառումների շնորհիվ ժամը 23-ին սրահի դիմացից, թմրանյութ պահելու և օգտագործելու կասկածանքով, բերման է ենթարկվել Գյումրիի Բորյան փողոցի բնակիչ 38-ամյա մի տղամարդ: Նրա խուզարկությամբ հայտնաբերվել և վերցվել է մանրացված կանեփանման զանգված», – նշվում է գերատեսչության հաղորդագրության մեջ:
Ըստ նրա՝ հայտնաբերվածն իրենն է, մարիխուանա է, որը քաղել է օգոստոսին՝ անձամբ օգտագործելու համար:
Նշանակվել է դատաքիմիական փորձաքննություն: Նախապատրաստվում են նյութեր:–0–