36–ամյա քաղաքացին ընկել է Քասախ գետի կիրճը. վիճակը ծանր է

ԵՐԵՎԱՆ, 5 նոյեմբերի. /Նովոստի–Արմենիա/. 36–ամյա քաղաքացին  ընկել է Քասախ գետի կիրճը։

ՀՀ ԱԻՆ Փրկարար ծառայության հաղորդմամբ, նոյեմբերի 4-ին ժամը 18:05-ին տեղեկություն է ստացվել, որ Քասախ գետի կիրճում՝ Կախովի կամրջի մոտակայքում, մարդ է ընկել, անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

«Պարզվել է, որ 1981 թ. ծնված Ա. Վ.-ն ընկել է Արագածոտնի մարզի Աշտարակ քաղաքի Եղիշե Չարենցի փողոցի թիվ 1 հասցեի մոտակայքում գտնվող Քասախ գետի կիրճը», – նշվում է հաղորդագրության մեջ։

Փրկարարներն Ա. Վ.-ին պատգարակով մոտեցրել են (մոտ 7 մ) շտապօգնության ավտոմեքենային, ով հոսպիտալացվել է Երևան քաղաքի «Արմենիա» ՀԲԿ, բժիշկները տուժածի առողջական վիճակը գնահատել են ծանր։–0–