Վեճ, որը հանգեցրել է մահվան. 33–ամյա տղամարդուն ծեծել են ծանոթները (ՎԻԴԵՈ)
21:08
03 Ապրիլի 2019
ԵՐԵՎԱՆ, 3 ապրիլի./Նովոստի–Արմենիա/. Շաբաթ օրը Երևանում 33–ամյա տղամարդու են ծեծել։
Ինչպես հայտնում է ոստիկանության մամուլի ծառայությունը, մարտի 30–ին ժամը 23։45–ին «Արմենիա» ԲԿ–ից ոստիկանությունում ահազանգ է ստացվել, որ «Շտապօգնության» բրիգադն իրենց մոտ Պարոնյան փողոցից մի տղամարդ է տեղափոխել։ Տղամարդը հարբած է եղել, իսկ մարմնի վրա հայտնաբերվել են վնասվածքներ։ Համաներմամբ ազատ արձակված 33–ամյա Կարեն Ավետիսյանը մահացել է ապրիլի 1–ին` գիտակցության չգալով։
Ոստիկանության աշխատակիցները պարզել են, որ հոսպիտալացման օրը տղամարդը վիճել է Երևանի բնակիչներ` 35–ամյա Վազգեն Գևորգյանի և 33–ամյա Արսեն Օհանյանի հետ։ Միջադեպը տեղի է ունեցել նրանց ծանոթներից մեկի տանը։ Ալկոհոլային ազդեցության ներքո գտնվող տղամարդկան միջև կենցաղային հողի վրա վեճ է ծագել։ Գևորգյանն ու Օհանյանը ծեծել են Ավետիսյանին` բազմաթիվ վնասվածքներ պատճառելով։
Ավետիսյանի մահից հետո քրեական գործ է հարուցվել առողջությանը ծանր վնաս հասցնելու հատկանիշներով, ինչը հանգեցրել է մահվան։ -0-