29-ամյա երևանցին Telegram-ով զբաղվել է թմրամիջոցների առուվաճառքով. նրան բերման են ենթարկել (ՎԻԴԵՈ)
23:17
09 Փետրվարի 2023
ԵՐԵՎԱՆ, 9 փետրվարի./Նովոստի-Արմենիա/. Քրեական ոստիկանության գլխավոր վարչությունում օպերատիվ տեղեկություններ էին ստացվել, որ Երևանի Շոպրոնի փողոցի մի բնակիչ տելեգրամյան ալիքներից մեկով զբաղվում է թմրամիջոցների առուվաճառքով, հաղորդում է ՀՀ ոստիկանությունը:
Загружается новость ... "Лево"
Իրացնելով ստացված տվյալները՝ Քրեական ոստիկանության գլխավոր վարչության և Արաբկիրի բաժնի քրեական հետախույզները համատեղ ձեռնարկած միջոցառումների արդյունքում մայրաքաղաքի Վերին Անտառային փողոցում հայտնաբերեցին, ձերբակալեցին և Արաբկիրի բաժին տեղափոխեցին երևանաբնակ 29-ամյա մի երիտասարդի: Նրա խուզարկությամբ իրավապահները հայտնաբերեցին մեթամֆետամինի նմանվող զանգվածով երկու փաթեթ:
Նախաձեռնվել է քրեական վարույթ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:-0-
Ոստիկանություն զանգած կինը հայտնել է, որ անհայտ անձինք Սևան քաղաքի հրապարակի հարակից տարածքում ծեծի են ենթարկել իր 11 տարեկան որդուն և գողացել 4000 դրամը
