18-ամյա աղջիկը գողություն է արել «Բարեկամություն» կայարանի գետնանցումի կրպակների դրամարկղերից (ՎԻԴԵՈ)

ԵՐԵՎԱՆ, 4 հունիսի./Նովոստի–Արմենիա/. Մետրոյի «Բարեկամություն» կայարանի գետնանցումում գողության դեպք է բացահայտվել։

ՀՀ ոստիկանության հաղորդմամբ, մայիսի 27-ին ոստիկանության Երևան քաղաքի վարչության Կարեն Դեմիրճյանի անվան մետրոպոլիտենի պահպանության բաժնում գողության վերաբերյալ հաղորդում ստացվեց։ Մետրոյի «Բարեկամություն» կայարանի գետնանցումի կրպակներից մեկի դրամարկղից մայիսի 19-ից 20-ն ընկած ժամանակահատվածում գողություն էին արել։

«Ոստիկանները օպերատիվ հարցումների արդյունքում տեղեկություններ ստացան, որ գողությունը հնարավոր է կատարած լինի Շերամի փողոցի 18-ամյա մի բնակչուհի», – նշվում է գերատեսչության հաղորդագրության մեջ:

Կասկածվողը բերման ենթարկվեց բաժին և տվեց խոստովանական բացատրություն։

Փաստի առթիվ նախապատրաստվում են նյութեր։–0–