15-ամյա երեխայի դի է հայտնաբերվել, իսկ վերնաշապիկի արանքում` Նոր Կտակարան

ԵՐԵՎԱՆ, 16 հունիսի. /Նովոստի-Արմենիա/. Նախօրեին մարզերից մեկում ողբերգական դեպք է տեղի ունեցել:

Ժամը 11:30-ի սահմաններում նշված մարզի հիվանդանոցից ահազանգ է ստացվել տարածքային ոստիկանության բաժին, որ մահացած վիճակում իրենց մոտ է տեղափոխվել երեխայի դի:

Ինչպես հայտնում է shamshyan.com-ը, հիվանդանոց են մեկնել տարածքի ոստիկանապետն ու քննչականի պետը, ովքեր պարզել են, որ մահացածը իրենց վարչական շրջանի բնակիչ, 15-ամյա Շահանե Շ.-ն է:

Աղբյուրի տեղեկություններով, հիվանդանոցում մահացածի հարազատները հայտնել են, որ երեխայի դին տան նկուղի առաստաղից պարանով կախված վիճակում հայտնաբերել է ազգականը, ով կատարվածի մասին հայտնել է մյուս հարազատներին և երեխային փորձել են հասցնել հիվանդանոց, որպեսզի փրկվի, բայց երեխան արդեն մահացած է եղել:

Կայքը հայտնում է, որ երեխան սովորում էր բնակության վայրի միջնակարգ դպրոցի 9-րդ դասարանում, իսկ կախված վիճակում վերնաշապիկի արանքում հայտնաբերվել է Նոր Կտակարան:

Փաստի առթիվ Հայաստանի քննչական կոմիտեի նշված վայրի մարզային քննչական վարչությունում նյութեր են նախապատրաստվում: -0-