15 զինծառայողի կյանք խլած հրդեհը մարել են շուրջ 5 ժամ. փրկարար ծառայությունը մանրամասնում է

ԵՐԵՎԱՆ, 19 հունվարի./Նովոստի-Արմենիա/. Փրկարար ծառայությունը ներկայացնում է մանրամասներ զորամասի կացարանում բռնկված հրդեհի մասին։

Ինչպես հայտնում է ծառայությունը, հունվարի 19-ին, ժամը 01:15-ին Ճգնաժամային կառավարման ազգային կենտրոն ահազանգ է ստացվել, որ Գեղարքունիքի մարզի Ազատ գյուղում այրվում է շինություն:

Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խմբեր և հրշեջ-փրկարարական ջոկատներից երեք մարտական հաշվարկ։

Հրդեհը մեկուսացվել է ժամը 02:58-ին, մարվել՝ 06:33-ին: Այրվել է շինությունը (մոտ 104 քմ)։

Շինությունից դուրս է բերվել 15 դի, 3 անձ տարբեր աստիճանի այրվածքներով տեղափոխվել է Վարդենիսի ԲԿ։

Ավելի վաղ ՊՆ-ից հայտնել էին, որ հրդեհը բռնկվել է Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում, ինչի հետևանքով 15 զինծառայող զոհվել է, 3-ի վիճակը ծանր է։-0-