13 մարդ է մահացել «Շերեմետևոյում» օդանավի վթարային վայրէջքի հետևանքով. ՏԱՍՍ

ԵՐԵՎԱՆ, 5 մայիսի./Նովոստի–Արմենիա/. Առնվազն 13 մարդ է մահացել Մոսկվայի «Շերեմետևո» օդանավակայանում վթարային վայրէջք կատարած Sukhoi Superjet 100 ուղևորատար օդանավում բռնկված հրդեհի հետևանքով, հաղորդում է ՏԱՍՍ–ը։

ՌԴ ՔԿ–ից ավելի վաղ հայտնել էին մեկ զոհի և չորս տուժածի մասին։ ՏԱՍՍ–ի հաղորդմամբ, օդանավում եղել է 73 ուղևոր և անձնակազմի 5 անդամ։
ՌԴ ԱՆ–ից հայտնել են, որ տուժածներից երկուսի վիճակը ծանր է։

«Շերեմետևո» օդանավակայանից օդ բարձրացած օդանավը կատարում էր Մոսկվա–Մուրմանսկ չվերթը։ Որոշ ժամանակ անց նա վթարային վայրէջք է խնդրել, վայրէջքի ժամանակ սկսել է այրվել։ Փաստի առթիվ հարուցվել է քրեական գործ օդային տրանսպորտի շահագործման և անվտանգության կանոնների խախտման հատկանիշներով։–0–