ԵՐԵՎԱՆ, 24 օգոստոսի. /Նովոստի-Արմենիա/. Այսօր՝ օգոստոսի 24-ին, ավտովթար-վրաերթ է տեղի ունեցել Երևանում:
Загружается новость ... "Лево"
Ինչպես հայտնում է shamshyan.com-ը, ժամը 10:15-ի սահմաններում Երևան-Էջմիածին ավտոճանապարհի Երևանյան խճուղու թիվ 230 հասցեի դիմաց բախվել են Էջմիածին քաղաքի բնակիչ, 53-ամյա Հակոբ Աղեկյանի վարած «Գազել» մակնիշի և Երևանի բնակիչ, 84-ամյա Սուրեն Փիլոյանի վարած BMW մակնիշի ավտոմեքենաները:
Բախման հետևանքով BMW-ն առաջ է ընթացել և վրաերթի ենթարկել հետիոտներ, Արարատի մարզի Հայանիստ գյուղի բնակիչ, 53-ամյա Գայանե Սահակյանին, և Արարատի մարզի Խաչփառ գյուղի բնակիչ, 16-ամյա Էրիկ Խաչատրյանին: Վրաերթի ենթարկվածները մարմնական վնասվածքներով տեղափոխվել են Աստղիկ բժշկական կենտրոն, իսկ BMW-ն էլ դուրս է եկել երթևեկելի գոտուց և հայտնվել վթարի հարևանությամբ գործող կահույքի սրահի նկուղային հարկ մտնող աստիճանների վրա՝ փակելով մուտքի դուռը:
Փաստի առթիվ նյութեր են նախապատրաստվում:-0-