Ողբերգական ավտովթար Գեղարքունիքի մարզում. կա 1 զոհ (ՖՈՏՈ)

ԵՐԵՎԱՆ, 26 դեկտեմբերի. /Նովոստի Արմենիա/. Այսօր՝ դեկտեմբերի 26-ին, ողբերգական ավտովթար է տեղի ունեցել Գեղարքունիքի մարզում:

Ինչպես հայտնում է shamshyan.com-ը, ժամը 16:40-ի սահմաններում Volkswagen Jetta մակնիշի ավտոմեքենայի վարորդը Սևան-Մարտունի-Գետափ ավտոճանապարհի 53-րդ կմ հատվածում՝ Երանոս գյուղի վարչական տարածքում, դուրս է եկել ճանապարհի երթևեկելի գոտուց և բախվել ծառերին:

Ըստ աղբյուրի, վթարի հետևանքով 1 հոգի հիվանդանոց տեղափոխելու ճանապարհին մահացել է:

Փաստի առթիվ հարուցվել է քրեական գործ՝ ՀՀ քր. օր-ի 242 հոդվածի 2 մասի հատկանիշներով: Ինչպես հաղորդում է shamshyan.com-ը, ավտոմեքենան հաշվառված է Գեղարքունիքի մարզի Աստղաձոր գյուղի բնակիչ, 26-ամյա Արսեն Հարեյանի անվամբ: -0-