ԵՐԵՎԱՆ, 5 ապրիլի. /Նովոստի-Արմենիա/. 27-ամյա հայաստանցի կինը մեղադրվում է իր 2 և 3 տարեկան դստրերի մահվան մեջ, որոնք մահացել են իրենց տանը բռնկված հրդեհի պատճառով:
Ինչպես հայտնում է "КП-Воронеж"-ը, քննչական կոմիտետ ավարտել է Ռուսաստանի Վորոնեժի մարզի հրդեհի պատճառով երեխաների մահվանից հետո հարուցված քրեական գործի հետաքննությունը:
Ըստ քննության տվյալների, 2018 թ.-ի նոյեմբերի 16-ին 27-ամյա կինը, ով դեպքից մի քանի ամիս առաջ ամուսնու հետ եկել է Հայաստանից, դուրս է եկել տնից` մենակ թողնելով փոքրիքներին:
Նա փակել է դուրը բանալիով: Սենյակը ջեռուցվում էր ինքնաշեն վառարանով, որի մոտ լվածք էր չորանում: Կրակն անցել է իրերի վրա, հրդեհ է բռնկվել, որի ժամանակ երեխաները խեղդվել են ծխից:
Կնոջը մեղադրանք է առաջադրվել ՌԴ Քրեական օրենսգրքի 109-րդ հոդվածի 3-րդ մասի համաձայն` երկու և ավելի մարդու անզգուշությամբ մահ պատճառելը: Նրան մինչև 4 տարի ազատազրկում է սպառնում:-0-
