ԵՐԵՎԱՆ, 17 հունվարի./Նովոստի–Արմենիա/. Նախօրեին՝ հունվարի 16-ին, ողբերգական դեպք է տեղի ունեցել Կոտայքի մարզում:
Shamshyan.com–ի հաղորդմամբ, ժամը 19:20-ի սահմաններում Չարենցավան քաղաքի բնակիչ 34-ամյա Արմեն Հակոբյանը Չարենցավան քաղաքում իր վարած ՎԱԶ 2107 մակնիշի ավտոմեքենայով վրաերթի է ենթարկել Չարենցավան քաղաքի բնակիչ 13-ամյա Նարեկ Պողոսյանին:
Загружается новость ... "Лево"
Վարորդը փախուստի չի դիմել, մեկ այլ ավտոմեքենայով վրաերթի ենթարկված երեխային տեղափոխել է Չարենցավանի բժշկական կենտրոն, որտեղ, սակայն, երեխան մահացել է:
Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի հատկանիշներով (ճանապարհային երթեւեկության եւ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ՝)։ Վարորդ Ա. Հակոբյանը ձերբակալվել է:–0–