Ողբերգական ավտովթար Երևանում. մահացել է Սաթիկ Սեյրանյանի եղբայրը (ՖՈՏՈ)

ԵՐԵՎԱՆ, 22 հունվարի./Նովոստի–Արմենիա/. Նախօրեին՝ հունվարի 21-ին, ողբերգական ավտովթար է տեղի ունեցել Երևանում:

Shamshyan.com–ի հաղորդմամբ, ժամը 19:40-ի սահմաններում, BMW մակնիշի 34 ավտոմեքենայի վարորդը Փափազյան փողոցի թիվ 25 շենքի հարևանությամբ բախվել է կայանված վիճակում գտնվող «Hyundai Sonata» մակնիշի ավտոմեքենային, որն էլ, առաջ ընթանալով, բախվել է կայանված վիճակում գտնվող «Mercedes» մակնիշի ավտոմեքենային: Այնուհետև BMW-ն դուրս է եկել երթևեկելի գոտուց և բախվել հաստաբուն ծառից:

Կայքի հաղորդմամբ, BMW-ի վարորդը ծայրահեղ ծանր վիճակում տեղափոխվել է թիվ 1 համալսարանական հիվանդանոց, որտեղ, գիտակցության չգալով, մահացել է:

Փաստի առթիվ նյութեր են նախապատրաստվում:

Կայքի տեղեկություններով, մահացածը 40-ամյա Հարություն Սեյրանյանն էր, ով Հայաստանի ժուռնալիստների միության նախագահ, հայտնի լրագրող Սաթիկ Սեյրանյանի եղբայրն էր:–0–