Խոշոր ավտովթար Երևանում. բախվել են Toyota–ն ու Mercedes–ը, Toyota–ն հայտնվել է կլինիկայի և դեղատան տարածքում

ԵՐԵՎԱՆ, 24 հունվարի./Նովոստի–Արմենիա/. Երեկ՝ հունվարի 23-ին, ավտովթար է տեղի ունեցել Երևանում:

Shamshyan.com–ի հաղորդմամբ, ժամը 17:30–ի սահմաններում Արցախի-Գարեգին Նժդեհ-Ռոստովյան փողոցների խաչմերուկում բախվել են Գեղարքունիքի մարզի բնակիչ, 23-ամյա Արսեն Պողոսյանի վարած Toyota Camry մակնիշի և Երևանի բնակիչ, 43-ամյա Ալիկ Ղամբարյանի վարած Mercedes մակնիշի ավտոմեքենաները:
Վթարի հետևանքով, բարեբախտաբար, տուժածներ չկան, բախման հետևանքով Toyota-ն դուրս է եկել երթևեկելի գոտուց, բախվել դեղատան և բժշկական կենտրոնի պատուհանին, վնասել այն, ինչի հետևանքով նշված կենտրոնին պատճառվել է նյութական վնաս:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:–0–