Պայթյուն Վանաձորի շենքերից մեկի մուտքում

ԵՐԵՎԱՆ, 13 մարտի. /Նովոստի–Արմենիա/. Այսօր երեկոյան պայթյուն է տեղի ունեցել Լոռու մարզում:

Shamshyan.com–ի հաղորդմամբ, դեռևս անհայտ պայմաններում Վանաձոր քաղաքի Տիգրան Մեծ 77 շենքի 1-ին հարկում՝ շենքի մուտքերից մեկում, բնակիչներն ուժեղ պայթյունի ձայն են լսել, ինչի հետևանքով կոտրվել են ապակե ցուցափեղկերը, վնասվել էլեկտրական հաշվիչները։

Դեպքի վայր են ժամանում մեծ թվով քննիչներ և ոստիկաններ։ Դեպքի մասին տեղեկությունը փոխանցվել է Հայաստանի քննչական կոմիտեի Լոռու մարզային քննչական վարչություն, որտեղից ժամանում է քննչական խումբը:

Թե ինչն է եղել պայթյունի պատճառը՝ այս պահին պարզվում է: Ոստիկանությունը պարզում է նաև, թե պայթյունի հետևանքով զոհեր և վիրավորներ կան, թե ոչ:–0–