Մահվան ելքով ավտովթար Երևան-Իջևան ավտոճանապարհին

ԵՐԵՎԱՆ, 10 դեկտեմբերի./Նովոստի–Արմենիա/. Նախօրեին ողբերգական ավտովթար է տեղի ունեցել Գեղարքունիքի մարզում։

Ինչպես հաղորդում է shamshyan.com կայքը, ժամը 15:30-ի սահմաններում Երևան-Իջևան ավտոճանապարհի 79-րդ կմ հատվածում, Դիլիջանի թունելի հարևանությամբ, բախվել են Opel Vectra մակնիշի և  ВАЗ 2106 մակնիշի ավտոմեքենաները:

Կայքի հաղորդմամբ` վթարի հետևանքով Opel-ի վարորդը տեղում մահացել է, իսկ նրա ուղևորը մարմնական վնասվածքներով տեղափոխվել է Սևանի բժշկական կենտրոն, որտեղից էլ նրան տեղափոխել են Երևանի Սուրբ Գրիգոր Լուսավորիչ բժշկական կենտրոն։

Դեպքի վայրում հավաքվածները պատմել են, որ վարորդները հարևաններ են, իսկ մահացածը վիրավոր ուղևորուհու ամուսինն էր։–0–