Կրակոցներ Երևանում. ոստիկանները որոնում են կասկածյալին

ԵՐԵՎԱՆ, 30 հոկտեմբերի. /Նովոստի–Արմենիա/. Երեկ՝ հոկտեմբերի 29-ին, կրակոցներ են հնչել Երևանում։

Shamshyan.com–ի հաղորդմամբ, ժամը 23։00-ի սահմաններում Ոստիկանության Մաշտոցի բաժին ահազանգ է ստացվել, որ Հասրաթյան փողոցում կրակոցներ են հնչել։

Ոստիկանները նշված փողոցի թիվ 31 տան մոտ հայտնաբերել են «GAP» 9 մմ տրամաչափի ատրճանակ՝ 3 փամփուշտով։

Ոստիկանները կատարել են դեպքի վայրի զննություն։

Կայքի տեղեկություններով՝ կրակոցներ արձակելու կասկածանքով Մաշտոցի ոստիկանները որոնում են նշված փողոցի բնակիչ 50-ամյա Ոսկան Մնացականյանին։ Փաստի առթիվ նյութեր են նախապատրաստվում։–0–