Կինը փորձել է «Դիազեպամ» դեղահաբեր փոխանցել ցմահ ազատազրկման դատապարտված ամուսնուն (ՖՈՏՈ)

ԵՐԵՎԱՆ, 18 մարտի. /Նովոստի–Արմենիա/. Կինը փորձել է «Դիազեպամ» գրառմամբ 50 դեղահաբ փոխանցել ցմահ ազատազրկման դատապարտված ամուսնուն։

ՀՀ ԱՆ քրեակատարողական ծառայության հաղորդմամբ, մարտի 16-ին ժամը 15:00-ի սահմաններում ՀՀ ԱՆ «Նուբարաշեն» քրեակատարողական հիմնարկի աշխատակիցները, օպերատիվ տվյալներն իրացնելով, ցմահ ազատազրկման դատապարտված անձի մոտ երկարատև տեսակցության եկած կնոջ մոտից անձնական իրերի զննությամբ հայտնաբերել են «Դիազեպամ» գրառմամբ 50 դեղահաբ:

Նույն օրը՝ ժամը 16:40-ի սահմաններում, ՀՀ ԱՆ «Սևան» քրեակատարողական հիմնարկի աշխատակիցները, օպերատիվ տվյալներն իրացնելով, դատապարտյալ Մ. Ս.-ի անվամբ քաղաքացի Կ. Ն.-ի կողմից բերված աղացած սուրճի մեջ հայտնաբերել են սպիտակավուն բյուրեղանման մանր հատիկներ:

Հայտնաբերվածներն ուղարկվել են դատաքիմիական փորձաքննության, նախապատրաստվում են նյութեր:–0–