ԵՐԵՎԱՆ, 13 մայիսի. /Նովոստի-Արմենիա/. Այսօր՝ մայիսի 13-ին, խոշոր ավտովթար է տեղի ունեցել Կոտայքի մարզում:
Ինչպես հայտնում է shamshyan.com-ը, ժամը 13:40-ի սահմաններում BMW մակնիշի հավտոմեքենայի վարորդը Եղվարդ-Աշտարակ ավտոճանապարհի 1-ին կմ հատվածում դուրս է եկել հանդիպակաց երթևեկելի գոտի ու բախվել երկաթե արգելապատնեշներին:
Վթարի հետևանքով վարորդը բժշկական հետազոտման նպատակով օպերատիվորեն դեպքի վայր ժամանած ոստիկանության Եղվարդի բաժնի ծառայողների ծառայողական ավտոմեքենայով տեղափոխվել է Եղվարդ քաղաքի «Նաիրի» բժշկական կենտրոն:
Փրկարարները հոսանքազրկել են ավտոմեքենան և դադարեցրել բենզինի արտահոսքը, քանի որ բախման հետևանքով վնասվել էր բենզաբակը, և բեզնին էր թափվում:
Փաստի առթիվ նյութեր են նախապատրաստվում: Ոստիկանությունը պարզում է վարորդի ինքնությունը:
Ըստ աղբյուրի, վարորդը ավտոմեքենայով մխիրճվել էր երկաթե արգելապանեշի մեջ ու այն դուրս բերելու համար օգտագործվել է հատուկ տեխնիկա:-0-