Խոշոր ավտովթար Երևանում. վիրավորը ծայրահեղ ծանր վիճակում է

ԵՐԵՎԱՆ, 3 դեկտեմբերի./Նովոստի–Արմենիա/. Նախօրեին՝ դեկտեմբերի 2-ին, խոշոր ավտովթար է տեղի ունեցել Երևանում:

Shamshyan.com-ի հաղորդմամբ, ժամը 23:15-ի սահմաններում «Toyota» մակնիշի ավտոմեքենայի վարորդը Նալբանդյան-Իսահակյան փողոցների խաչմերուկում բախվել է «Mercedes C-250» մակնիշի ավտոմեքենային, այնուհետև առաջ ընթանալով, բախվել կայանված «Opel» մակնիշի ավտոմեքենային: Այնուհետև «Toyota»-ն, «Opel»-ն առաջ հրելով և կողաշրջված վիճակում, մի քանի մետր առաջ է ընթացել: Վթարի հետևանքով «Toyota»-ի վարորդը ծայրահեղ ծանր վիճակով տեղափոխվել է թիվ 1 համալսարանական հիվանդանոց:

Ոստիկանությունը պարզում է վարորդների ինքնությունը:

Կայքի հաղորդմամբ, «Mercedes»-ը հաշվառված է Հայաստանում գործող դեսպանատներից մեկի հաշվեկշռում:–0–