Տավուշում Hyundai–ն ընկել է գետը, 42–ամյա վարորդը մահացել է (ՖՈՏՈ)

ԵՐԵՎԱՆ, 22 հունվարի./Նովոստի–Արմենիա/. Ողբերգական ավտովթար է տեղի ունեցել Դիլիջանում։


Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:



«Պարզվել է, որ «Hyundai Santa Fe» մակնիշի ավտոմեքենան (վարորդ` Հ․ Խ․, ծնված 1979 թ․) Հաղարծին բնակավայրում դուրս է եկել ճանապարհի երթևեկելի հատվածից, մոտ 6 մ սահել դեպի ձորը և գլխիվայր շրջված ընկել «Աղստև» գետը», – նշվում է գերատեսչության հաղորդագրության մեջ:

Հատուկ տեխնիկայի օգնությամբ ավտոմեքենան գետից դուրս է բերվել ավտոճանապարհի երթևեկելի հատված: Փրկարարներն ավտոմեքենայից դուրս են բերել վարորդի դին և մոտեցրել շտապօգնության ավտոմեքենային:–0–