ԵՐԵՎԱՆ, 28 դեկտեմբերի. /Նովոստի–Արմենիա/. Հայտնի է կիրակի Սոչիում Տու–154 ինքնաթիռի կործանման պատճառը։
Ինչպես չորեքշաբթի Ինտերֆաքսին հայտնել է Արտակարգ իրավիճակների հետևանքների վերացման օպերատիվ շտաբի աղբյուրը, ՌԴ ՊՆ–ին պատկանող Տու–154 ինքնաթիռի կործանման պատճառները մարդկային գործոնն ու տեխնիկական անսարքությունն են։
«Նախնական տվյալներով, պարամետրիկ ինքնագրչի տվյալները վկայում են օդանավի բարձրություն հավաքելու ժամանակ փականների բացման–փակման մեխանիզմի ոչ հստակ աշխատանքի մասին։ Միաժամանակ կա հիմք ենթադրելու, որ օդանավի անձնակազմը կարող էր, մինչև վերջ չգնահատելով իրավիճակը, սխալներ թույլ տալ որոշումներ ընդունելիս։ Այս ամենը կարող էր հանգեցնել օդանավի կործանման», – նշել է աղբյուրը։
Նա տեղեկացրել է, որ ծովից հանված «սև արկղերի» վերծանման գործընթացը շարունակվում է։
««Սև արկղերի» վերծանման առաջին պաշտոնական արդյունքները հնարավոր է հրապարակվեն առաջիկա օրվա ընթացքում», – նշել է աղբյուրը։
ՌԴ ՊՆ–ին պատկող Տու–154 ինքնաթիռն անհետացել էր ռադարներից դեկտեմբերի 24–ին Ադլերի օդանավակայանից օդ բարձրանալուց մի քանի րոպե հետո։ Ինքնաթիռում կար 92 մարդ` զինծառայողներ, լրագրողներ, Ալեքսանդրովի անվան անսամբլը, «Արդար օգնություն» հիմնադրամի ղեկավար Ելիզավետա Գլինկան։ Օդանավն ուղևորվում էր Սիրիա։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում