ԵՐԵՎԱՆ, 9 հունվարի. /Նովոստի–Արմենիա/. Ռուսաստանից հայրենիք են վերադարձրել մաքսանենգ գործունեությամբ զբաղվող հայազգի գործարարի, հաղորդում է
1rnd.ru–ն` հղում անելով ՌԴ Ռոստովի մարզի ԱԴԾ սահմանային վարչությանը։
Загружается новость ... "Лево"
Երևանցի գործարարը դեռ 2016 թ.–ին փորձել է կազմակերպել «ստվերային» բիզնես։ Նա, մասնավորապես, դրդել է սահմանապահին, որպեսզի վերջինս գումարի դիմաց «աչք փակի» ծխախոտի խոշոր խմբաքանակների վրա։ Սակայն գործարարը ձերբակալվել է, հարուցվել է քրեական գործ ՌԴ ՔՕ 291–րդ հոդվածի 3–րդ մասի հատկանիշներով (կաշառք տալը)։ Հայ գործարարը դատապարտվել է մեկուկես տարվա ազատազրկման։
Ազատազրկման ժամկետի լրանալուց հետո հայ գործարարին ՌԴ–ից վերադարձրել են Հայաստան։ Այժմ նրան 8 տարի արգելվում է մուտք գործել Ռուսաստան։–0–
