Համացանցում հայտնվել է Թուրքիայի հերոս Ալեքսանդր Ակոպովի վթարային վայրէջքի տեսանյութը

ԵՐԵՎԱՆ, 30 հուլիսի. /Նովոստի–Արմենիա/. Համացանցում հայտնվել է օդաչու Ալեքսանդր Ակոպովի վթարային վայրէջքի տեսանյութը։


Հուլիսի 28–ին Boeing ինքնաթիռը, որում եղել է 121 ուղևոր և անձնակազմի 6 անդամ, կատարել է Ստամբուլ–Կիպրոս չվերթը։ Օդում կարկուտի հետևանքով կոտրվել է օդաչուների խցիկի ապակին և ինքնաթիռի առջևի հատվածը։ Օդանավի հրամանատարը որոշել է վերադառնալ Ստամբուլ։ Ինքնաթիռը բարեհաջող վայրէջք է կատարել, ոչ ոք չի տուժել։ Վայրէջքը կատարել է ուկրաինացի օդաչու Ալեքսանդր Ակոպովը։ Սոցցանցերում նրան անվանում են «Թուրքիայի հերոս»։

Տեսանյութերից մեկում ներկայացված է վայրէջքի պահը ներսից, մյուսում` դրսից։ Երևում է, որ օդանավում իսկական խուճապ է։–0–