«Հաղթանակ» կամրջի տակ երիտասարդ կնոջ դի է հայտնաբերվել

ԵՐԵՎԱՆ, 9 հուլիսի. /Նովոստի Արմենիա/. Այսօր՝ հուլիսի 9-ին, ողբերգական դեպք է տեղի ունեցել Երևանում:

Ինչպես հայտնում է shamshyan.com–ը, ժամը 10:00-ի սահմաններում ոստիկանության կենտրոնական բաժին ահազանգ է ստացվել, որ Հաղթանակ կամրջի տակ՝ Հրազդան կիրճում կնոջ դի կա:

Փաստի առթիվ նյութեր են նախապատրաստվում:

Ոստիկաններն ու քննիչները նշված վայրում հայտնաբերել են 25-30 տարեկան աղջկա դի, փրկարարները մեծ դժվարությամբ դուրս բերեցին դին ձորից։ Դեպքի վայր ժամանած դատաբժիշկը զննում է դին: Ոստիկանությունն ու քննչական բաժինը պարզում են մահացածի ինքնությունը: Ոստիկաններն ու քննիչները կամրջի վրա հայտնաբերել են բջջային հեռախոս և այլ իրեր, որոնք, ըստ վարկածի, հնարավոր է պատկանեն մահացածին:–0–