Խոշոր ավտովթար-վրաերթ Արգավանդում. բախվել են Ford-ն ու Ferrari-ն, Ferrari-ն վրաերթի է ենթարկել հետիոտնին

ԵՐԵՎԱՆ, 17 մարտի. /Նովոստի–Արմենիա/. Այսօր՝ մարտի 17-ին, խոշոր ավտովթար-վրաերթ է տեղի ունեցել Արարատի մարզում։

Shamshya.com–ի հաղորդմամբ, ժամը 14։30-ի սահմաններում Արգավանդ գյուղի վարչական տարածքում բախվել են Ford մակնիշի և Ferrari մակնիշի ավտոմեքենաները։

Բախումից հետո Ferrari-ն վրաերթի է ենթարկել հետիոտնին։

Կայքի հաղորդմամբ, վրաերթի հետևանքով հետիոտնը մարմնական վնասվածքներով տեղափոխվել է «Էրեբունի» բժշկական կենտրոն, ում ուղեկցել է Ferrari-ի վարորդը՝ ըստ դեպքի վայրում հավաքվածների պատմածի։

Փաստի առթիվ նյութեր են նախապատրաստվում։

Ոստիկանությունը պարզում է վարորդների և վիրավորի ինքնությունը։–0–