Երկրաշարժ է գրանցվել Վրաստանում. այն զգացվել է նաև Ալավերդի քաղաքում

ԵՐԵՎԱՆ, 17 հոկտեմբերի. /Նովոստի–Արմենիա/. Այսօր տեղական ժամանակով ժամը 12.11-ին (Գրինվիչի ժամանակով` 08.11) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է 3.4 մագնիտուդով երկրաշարժ, որի էպիկենտրոնը գտնվում է Վրաստանի տարածքում, հաղորդում է ՀՀ ԱԻՆ մամուլի ծառայությունը։

Երկրաշարժի աշխարհագրական կոորդինատներն են հյուսիսային լայնության 41.42⁰ և արևելյան երկայնության 44.12⁰: 

Երկրաշարժի հիպոկենտրոնը գտնվում է 9 կմ խորության վրա: Ստորգետնյա ցնցման ուժգնությունն էպիկենտրոնում կազմել է 4-5 բալ: 

Երկրաշարժը զգացվել է Ալավերդի քաղաքում՝ 3 բալ ուժգնությամբ:–0–