Երեկ շփման գծում գնդակոծվել է «Շանթ»–ի նկարահանող խումբը. օպերատորը վիրավոր է (ՏԵՍԱՆՅՈՒԹ)

ԵՐԵՎԱՆ, 11 մայիսի. /Նովոստի–Արմենիա/. Երեկ երեկոյան, ժամը 18-ի սահմաններում արցախա-ադրբեջանական շփման գծի հյուսիսային հատվածում գնդակոծության է ենթարկվել «Շանթ» հեռուստաընկերության «Դիրքերում» հաղորդաշարի նկարահանող խումբը, Facebook–յան իր էջում տեղեկացնում է «Շանթ»–ով հեռարձակվող «Հեռանկար» հաղորդման հաղորդավար, «Առավոտ» օրաթերթի գլխավոր խմբագիր Արամ Աբրահամյանը։

«Հակառակորդը հրաձգային խոշոր տրամաչափի զենքերով գնդակոծել է նկարահանող խմբի ավտոմեքենան: Վիրավորվել է հաղորդաշարի օպերատոր Դավիթ Աթոյանը: Հավելյալ մանրամասները` «Հորիզոնի» թողարկումներում», – նշել է Աբրահամյանը։–0–