ՃՏՊ` Հայաստանից Օմսկ ուղևորվող միկրոավտոբուսի մասնակցությամբ. մեկ մարդ զոհվել է

ԵՐԵՎԱՆ, 29 հուլիսի. /Նովոստի-Արմենիա/. Հայաստանից Օմսկ ուղևորվող միկրոավտոբուսի մասնակցությամբ ՃՏՊ է տեղի ունեցել Տյումենի մարզի Իշիմ քաղաքի ճանապարհին: Այդ մասին հայտնում է «Интерфакс-Урал»-ը:

Ըստ ճանապարհային ոստիկանության տարածքային կառավարման տվյալների, Renault Logan մակնիշի ավտոմեքենան և Toyota մակնիշի միկրոավտոբուսը բախվել են կիրակի երեկոյան:

«ՃՏՊ-ի հետևանքով զոհվել է մեկ կին, ևս 6 մարդ, այդ թվում` 15-ամյա պատանի, ստացել են տարբեր աստիճանի վնասվածքներ», - նշվում է տարածած հաղորդագրությունում:

Ռուսաստանում Հայաստանի դեսպանությունը հայտնել է, որ ճշտում է տեղի ունեցած վթարի շուրջ տեղեկատվությունը։-0-