ԵՐԵՎԱՆ, 7 օգոստոսի./Նովոստի–Արմենիա/. Այսօր` օգոստոսի 7-ին, խոշոր ավտովթար-հրդեհ է տեղի ունեցել Կոտայքի մարզում։
Shamshyan.com–ի հաղորդմամբ, ժամը 00։30-ի սահմաններում Եղվարդ-Զովունի ավտաճանապարհին բախվել են Եղվարդ քաղաքի բնակիչ 38-ամյա Աշոտ Անտոնյանի վարած BMW մակնիշի և Էջմիածին քաղաքի բնակիչ 26-ամյա Շահեն Սերոբյանի վարած Opel մակնիշի ավտոմեքենաները։
Բախման հետևանքով BMW-ում հրդեհ է բռնկվել։ Մինչ հրշեջների ժամանումը քաղաքացիները փորձել են իրենց ուժերով մարել կրակը, սակայն BMW-ն ամբողջովին վերածվել է մոխրակույտի։
Ըստ նախնական տեղեկությունների՝ տուժածներ չկան։
Փաստի առթիվ նյութեր են նախապատրաստվում։–0–
