ԵՐԵՎԱՆ, 17 փետրվարի./Նովոստի-Արմենիա/. Երեկ՝ փետրվարի 16-ին, ավտովթար է տեղի ունեցել Երևանում։
Shamshyan.com-ի հաղորդմամբ, ժամը 20։00-ի սահմաններում Շիրակի փողոցի 4/12 հասցեի դիմաց բախվել են դեռևս անհայտ անձի կողմից վարած BMW մակնիշի և Արարատ քաղաքի բնակիչ՝ 27-ամյա Ա.Պ.-ի վարած ՎԱԶ 2107 մակնիշի ավտոմեքենաները։
Վթարի հետևանքով ՎԱԶ-ի վարորդը մարմնական վնասվածքներով տեղափոխվել է «Էրեբունի» բժշկական կենտրոն։
Загружается новость ... "Лево"
Կայքի հաղորդմամբ, դեպքի վայրում 3 քաղաքացի անհարգալից վերաբերմունք են ցուցաբերել հասարակության նկատմամբ, հնչեցրել հայհոյանքներ, պարեկները նրանց հորդորել են, որպեսզի չխախտեն հասարակական կարգը, սակայն նրանք չեն ենթարկվել պարեկների օրինական պահանջներին, ինչից հետո քաղաքացիները բերման են ենթարկվել ոստիկանության Շենգավիթի բաժին։
Կայքի տեղեկություններով՝ նրանցից մեկի մոտ հայտնաբերվել է խոշոր չափի թմրամիջոց։
Փաստի առթիվ Գ նյութեր են նախապատրաստում։
Ոստիկանությունը պարզում է BMW-ի վարորդի ինքնությունը։
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:-0-
