ԵՐԵՎԱՆ, 26 հունիսի. /Նովոստի–Արմենիա/. Երեկ՝ հունիսի 25-ին, խոշոր ավտովթար է տեղի ունեցել Երևանում:
Shamshyan.com–ի հաղորդմամբ, ժամը 16:00-ի սահմաններում Նուբարաշենի խճուղու և դեպի Մասիս քաղաք տանող խաչմերուկում բախվել են Երևան քաղաքի բնակիչ 56-ամյա Գառնիկ Հարությունյանի վարած Toyota մակնիշի և Նուբարաշենի բնակիչ 32-ամյա Հայկ Շահվերյանի վարած Mercedes մակնիշի ավտոմեքենաները:
Загружается новость ... "Лево"
Վթարի հետևանքով Mercedes-ի ուղևորը` Երևանի բնակիչ 22-ամյա Նարեկ Սահակյանը մարմնական վնասվածքներով տեղափոխվել է «Արմենիա» բժշկական կենտրոն, այնուհետև ՀՀ ՊՆ Մուրացանի զինվորական հոսպիտալ:
Փաստի առթիվ նյութեր են նախապատրաստվում:
Կայքի տեղեկություններով՝ վիրավոր Նարեկ Սահակյանը ժամկետային զինծառայող է:–0–