ԵՐԵՎԱՆ, 16 հոկտեմբերի. /Նովոստի–Արմենիա/. Անհայտ տղամարդը ծանր վիրավորվել է մոդել Միրանդա Քերրի առանձնատուն ներխուժելու փորձի ժամանակ։ Առանձնատունը գտնվում է ԱՄՆ–ի Կալիֆոռնիա նահանգի Մալիբու քաղաքում։
Associated Press–ի հաղորդմամբ, մոդելի թիկնապահը ծանր վիրավոր է։
Միջադեպի տեղի է ունեցել նախորդ ուրբաթ։ Տղամարդը անցել է առանձնատան ցանկապատի վրայով, դիմադրություն է ցույց տվել թիկնապահին և դանակով վնասվածքներ հասցրել նրա աչքին։ Թիկնապահը հրազեն է կիրառել`հանցագործի ուղղությամբ արձակելով երեք կրակոց, հաղորդում է ՏԱՍՍ–ը։
Թիկնապահն ու հանցագործը հոսպիտալացվել են։ Բժիշկների գնահատմամբ, նրանց կյանքին վտանգ չի սպառնում։ Միջադեպի պահին Միրանդա Քերրը տանը չի եղել։
33–ամյա մոդելը ծնվել է Ավստրալիայում և հայտնի է դարձել Victoria's Secret ընկերության ներքնազգեստի գովազդի շնորհիվ։–0–