ԵՐԵՎԱՆ, 4 հոկտեմբերի. /Նովոստի–Արմենիա/. Նախօրեին երեկոյան Քաջարանի չշահագործվող հիվանդանոցի տանիքում 11 տարեկան երեխա են նկատել։
ՀՀ ԱԻՆ Փրկարար ծառայության հաղորդմամբ, հոկտեմբերի 3-ին ժամը 17:14-ին «911» ծառայությանն ահազանգ է ստացվել, որ Սյունիքի մարզի Քաջարան քաղաքի Շահումյան փողոցի վերջնամասում գտնվող նախկին չշահագործվող հիվանդանոցի տանիքում երեխա կա, չի կարողանում իջնել. երեխային տանիքից իջեցնելու համար անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները տանիքից իջեցրել են Հ. Ս.-ին ( 2007թ.):–0–