Երևանյան լճում մոտ 30 տարեկան կնոջ դի է հայտնաբերվել

ԵՐԵՎԱՆ, 5 օգոստոսի. /Նովոստի–Արմենիա/. Նախօրեին Երևանյան լճում կնոջ դի է հայտնաբերվել։

ՀՀ ԱԻՆ Փրկարար ծառայության հաղորդմամբ, օգոստոսի 4-ին, ժամը 18:12-ին «911» ծառայությանն ահազանգ է ստացվել, որ Երևան քաղաքի Երևանյան լճում դի կա. անհրաժեշտ է փրկարարների օգնությունը:

Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ և հատուկ նշանակության փրկարարական աշխատանքների իրականցման կենտրոնի փրկարարական ջոկատը:

Փրկարարները ջրից դուրս են բերել մոտ 30 տարեկան կնոջ դի:–0–