ԵՐԵՎԱՆ, 16 հոկտեմբերի. /Նովոստի–Արմենիա/. Այսօր՝ հոկտեմբերի 16-ին, Երևանի «Աստղիկ» բժշկական կենտրոնում մահացել է Արմավիրի մարզի Փարաքար գյուղի բնակիչ՝ 85-ամյա Արմեն Կարապետյանը։
Ինչպես հայտնում է shamshyan.com–ը, վերջինը նշված բժշկական կենտրոն էր տեղափոխվել հոկտեմբերի 13-ին Երևան քաղաքի Երևանյան խճուղի և Ռ. Գասպարյան փողոցների խաչմերուկից։ Այդ օրը, ժամը 10։50-ի սահմաններում Վաղարշապատ քաղաքի բնակիչ՝ 35-ամյա Արմինե Մուրադյանը իր վարած Nissan մակնիշի ավտոմեքենայով վրաերթի էր ենթարկել Ա. Կարապետյանին։
Վարորդը փախուստի չէր դիմել, օգնություն էր ցուցաբերել վրաերթի ենթարկվածին։ Փաստի առթիվ նախապատրաստված նյութերը փոխանցվելու են Հայաստանի քննչական կոմիտեի Երևան քաղաքի քննչական վարչություն, որտեղ հարուցվելու է քրեական գործ՝ ՀՀ քր. օր-ի 242 հոդվածի 2-րդ մասի (Ճանապարհային երթևեկության և տրանսպորտային միջոցների շահագործման կանոնները խախտելը) հատկանիշներով։-0-