Երևանում երկու տարեկան երեխա է մահացել

ԵՐԵՎԱՆ, 23 մայիսի. /Նովոստի–Արմենիա/. Նախօրեին Երևանի «Արաբկիր» բժշկական կենտրոնում երկու տարեկան երեխա է մահացել։

Ինչպես հաղորդում է Tert.am-ը, երեխան մի քանի օր առաջ Գյումրիի Ավստրիական բժշկական կենտրոնից տեղափոխվել է «Արաբկիր» բժշկական կենտրոն,որտեղ և մահացել է։

Այս փաստը հաստատել է նաև Ոստիկանության լրատվության ԶԼՄ-ների հետ կապի բաժնի պետ Էդգար Ջանոյանը։

«Մայիսի 22-ի երեկոյան երեխայի մայրը զանգահարել է ոստիկանություն և հայտնել,որ 2015 թվականին ծնված իր երեխան «Արաբկիր» բժշկական կենտրոնում մահացել է», – ասել է Ջանոյանը, հաղորդում է tert.am–ը։

Նշանակվել է դատաբժշկական փորձաքննություն, կատարվում է քննություն։–0–