Երևանում 62-ամյա կինը երթուղայինում փող ու զարդեր է գողացել

ԵՐԵՎԱՆ, 2 նոյեմբերի. /Նովոստի-Արմենիա/. Երևանյան երթուղայիններից մեկում փող ու զարդեր են գողացել:
Ինչպես հայտնում է ոստիկանությունը, նոյեմբերի 1-ին, ժամը 20.30-ին ոստիկանության Քանաքեռ-Զեյթունի բաժնում մի կին հաղորդում է տվել, որ նույն օրը ժամը 18-ի սահմաններում, միկրոավտոբուսում գողացել են դրամապանակը, որի մեջ եղել է փող և արծաթյա զարդեր:

Քրեական հետախույզների ձեռնարկված միջոցառումների շնորհիվ պարզվել է, որ նշված գողությունը կատարել է Դրոյի փողոցի 62-ամյա մի բնակչուհի: Նույն օրը ոստիկանների բացատրական աշխատանքի շնորհիվ, ժամը 21.30-ին կասկածվողը ներկայացել է ոստիկանության Քանաքեռ-Զեյթունի բաժին, տվել խոստովանական բացատրություն և ներկայացրել գողոնը:

Նախապատրաստվում են նյութեր:-0-