ԵՐԵՎԱՆ, 7 փետրվարի. /Նովոստի–Արմենիա/. Այսօր ցերեկը ավտովթար է գրանցվել Վայոց Ձորում։
ՀՀ ԱԻՆ Փրկարար ծառայության հաղորդմամբ, փետրվարի 7-ին, ժամը 15:48-ին ահազանգ է ստացվել, որ Վայք-Սարավան ավտոճանապարհի 5-րդ կմ-ին տեղի է ունեցել ՃՏՊ, կան տուժածներ, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
«Պարզվել է, որ Մ-2 ավտոճանապարհի Երևան-Մեղրի հատվածի 148-րդ կմ-ին «Ford Transit» մակնիշի ավտոմեքենան (վարորդ Խ. Հ.) դուրս է եկել ճանապարհի երթևեկելի հատվածից (մոտ 10 մ) և հայտնվելով Դարբ գետի ափին` շրջվել», – նշվում է հաղորդագրության մեջ։
Մինչ փրկարարների՝ կանչի վայր հասնելն ուղևոր՝ 1993 թ. ծնված Գ. Հ.-ը տեղափոխվել է Վայք քաղաքի ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարները հոսանքազրկել են ավտոմեքենան:
Ավտոմեքենան ուղղելու համար անհրաժեշտ է հատուկ տեխնիկա:–0–
