Վայոց Ձորում 76 տարեկան քաղաքացին մոլորվել է. ժամեր անց գտել են նրա դին

ԵՐԵՎԱՆ, 20 հուլիսի. /Նովոստի–Արմենիա/. Վայոց Ձորում նախօրեին 76 տարեկան քաղաքացի է մոլորվել։

ՀՀ ԱԻՆ Փրկարար ծառայության հաղորդմամբ, հուլիսի 20-ին ժամը 00:19-ին ահազանգ է ստացվել, որ Վայոց Ձորի մարզի Մալիշկա գյուղում՝ Սուրբ Խաչ վանքի մոտակայքում, նույն գյուղի բնակիչ 1941 թ. ծնված Ա. Խ.-ը մոլորվել է, անհրաժեշտ է փրկարարների օգնությունը:

Ժամը 02:10-ին, անհրաժեշտությունից ելնելով, որոնողափրկարարական աշխատանքները դադարեցվել են:

Հուլիսի 20-ին, ժամը 06:51-ին դեպքի վայր է մեկնել հրշեջ-փրկարարական ջոկատի, ժամը 07:01-ին՝ Մարզային ճգնաժամային կառավարման կենտրոնի օպերատիվ խումբը:

Ժամը 07:15-ին տեղեկություն է ստացվել, որ ժամը 07:13-ի սահմաններում Մալիշկա-Սուրբ Խաչ վանքի դաշտամիջյան ճանապարհի 1-ին կմ-ին հայտնաբերվել է Ա. Խ.-ի դին: –0–