Սիսիանում զինծառայողներ են մնացել ձնահյուսի տակ. նրանցից մեկին գտնել չի հաջողվել

ԵՐԵՎԱՆ, 6 դեկտեմբերի. /Նովոստի–Արմենիա/. Երեկ Սիսիանում մի խումբ պայմանագրային զինծառայողներ ձնահյուսի տակ են մնացել:

Այս մասին հաղորդում է Tert.am-ը` հղում անելով պաշտպանության նախարարության մամուլի խոսնակ Արծրուն Հովհաննիսյանին։

Հովհաննիսյանի խոսքով, նրանցից միայն մեկին գտնել չի հաջողվել: 

«Զիծառայողները մնացել են ձնահյուսի տակ, նրանց բոլորին գտել ենք, բացի մեկից: Ներկայումս տարվում են որոնողական աշխատանքներ»,-նշել է Արծրուն Հովհաննիսյանն` ավելացնելով, որ գտնված զինծառայողների առողջական վիճակը գնահատվում է նորմալ: