ԵՐԵՎԱՆ, 3 փետրվարի./Նովոստի–Արմենիա/. Կալուգայի մարզում գրանցված ՃՏՊ–ի հետևանքով տուժածների թվում, դեսպանատան ճշտված տվյալներով, կան նաև ՌԴ հայազգի քաղաքացիներ` Մարիա Առաքելյան (ծնված` 2008թ.) և Սոնա Ադամյան (ծնված` 1988թ.)։ Այս մասին հաղորդվում է դեսպանատան Facebook–յան էջում։
«Հիմա նրանք Կալուգայի քաղաքային հիվանդանոցում են։ Մյուս տուժածների մասին տեղեկատվությունը ճշտվում է։ Դեսպանատունը մշտական կապի մեջ է գտնվում ՌԴ համապատասխան մարմինների հետ», – նշվում է հաղորդագրության մեջ։
Հիշեցնենք, որ ՃՏՊ–ն տեղի է ունեցել փետրվարի 3–ին Մոսկվայի ժամանակով ժամը 09։15–ին Կալուգա–Վյազմա ճանապարհի 128–րդ կմ–ում։ Ավտոբուսը, որում եղել է 48 մարդ, այդ թվում` 33 երեխա, դուրս է եկել ճանապարհի երթևեկելի գոտուց։ ՃՏՊ–ի հետևանքով զոհերի թիվը հասել է 7–ի, նրանցից 4–ը երեխաներ են։–0–