«Նաիրիտի» հրդեհի վայր է տեղափոխվել հատուկ սարքավորում (ՖՈՏՈ, ՎԻԴԵՈ)
ԵՐԵՎԱՆ, 28 օգոստոսի. /Նովոստի–Արմենիա/. ՀՀ ԱԻՆ–ը ներկայացնում է օպերատիվ տեղեկատվություն «Նաիրիտ» գործարանում բռնկված հրդեհի մարման աշխատանքների մասին։
Գերատեսչության մամուլի ծառայության հաղորդմամբ, ժամը 21.00-ի դրությամբ «Նաիրիտ» գործարանի տարածքում հրդեհաշիջման աշխատանքներում ներգրավված է 1 ավտոսանդուղք և 13 մարտական հաշվարկ՝ 113 փրկարար ծառայողով:
Դեպքի վայրում են Ճգնաժամային կառավարման ազգային կենտրոնի արձագանքման 1 և օպերատիվ 2 խումբ:
Հրդեհի վայր է մեկնել նաև Հատուկ նշանակության փրկարարական աշխատանքների իրականացման կենտրոնի 1 մարտական հաշվարկ՝ լուսավորություն ապահովող հատուկ սարքավորումներով:
«Հրդեհի օջախն ամբողջությամբ հրշեջ-փրկարարների հսկողության տակ է: Տեղում իրականացվում է հերթապահություն», – նշվում է հաղորդագրության մեջ։
Հիշեցնենք, որ օգոստոսի 28-ին ժամը 13:10-ին ահազանգ է ստացվել, որ Երևան քաղաքի «Նաիրիտ» գործարանի տարածքում պայթյունի ձայն է լսվել և հրդեհ է բռնկվել: Ավելի վաղ հայտնի դարձավ, որ գործարանի տարածքում այրվում են լաքէթինոլ նյութով տարաներով։ Գերատեսչության պատասխանատուները վստահեցնում են, որ թունավոր նյութերի արտանետում չի գրանցվում, քաղաքի և մարդկանց առողջությանը վտանգ չի սպառնում։–0–
