Կիևյան կամրջի տակ տղամարդու դի է հայտնաբերվել

ԵՐԵՎԱՆ, 21 հունիսի./Նովոստի–Արմենիա/. Կիևյան կամրջի տակ միջին տարիքի տղամարդու դի է հայտնաբերվել։

ՀՀ ԱԻՆ Փրկարար ծառայության հաղորդմամբ, հունիսի 21-ին, ժամը 02:50-ին «911» ծառայությանը տեղեկություն է ստացվել, որ Երևան քաղաքի Կիևյան կամրջի տակ քաղաքացի կա ընկած. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

«Փրկարարները կամրջի տակ հայտնաբերել են միջին տարիքի տղամարդու դի (անձը չի հաջողվել պարզել)», –նշվում է հաղորդագրության մեջ։–0–