ԵՐԵՎԱՆ, 7 նոյեմբերի. /Նովոստի–Արմենիա/. Նախօրեին ցերեկը ավտովթար է տեղի ունեցել Կիևյան կամրջի մոտակայքում։
ՀՀ ԱԻՆ Փրկարար ծառայության հաղորդմամբ, նոյեմբերի 6-ին, ժամը 14.04-ին ահազանգ է ստացվել, որ Երևանի Կիևյան կամրջի մոտակայքում տեղի է ունեցել ՃՏՊ։
Բախվել են ՎԱԶ 2107 և Մերսեդես մակնիշի ավտոմեքենաները, կա տուժած, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
«Պարզվել է, որ բախվել են ВАЗ-2107 մակնիշի (վարորդ՝ Կ. Մ.) և Mercedes E մակնիշի (վարորդ՝ Ա. Հո.) ավտոմեքենաները», – նշվում է հաղորդագրության մեջ։
Փրկարարները ВАЗ-2107 մակնիշի ավտոմեքենայի ուղևորին` 1984 թ. ծնված Լ. Կ.-ին տեղափոխել են շտապօգնության ավտոմեքենա:
Տուժածը տեղափոխվել է «Արմենիա» ՀԲԿ, որտեղ բժիշկները նրա առողջական վիճակը գնահատել են բավարար:–0–