ԵՐԵՎԱՆ, 19 հուլիսի. /Նովոստի–Արմենիա/. Երևանում հոգեբան է դանակահարվել։
ՀՀ ոստիկանության մամուլի հաղորդագրության համաձայն, հուլիսի 17-ին ժամը 14.45-ին հիվանդանոցից ոստիկանության Կենտրոնականի բաժնում հաղորդում է ստացվել, որ «դեմքի կտրած վերք, բազմաթիվ վերքեր, արյունահոսություն» ախտորոշմամբ բուժօգնության է տեղափոխվել 1947 թ. ծնված Ռ. Պ.-ն:
Загружается новость ...
"Право"
Ոստիկանության ծառայողների ձեռնարկած միջոցառումների շնորհիվ պարզվել է, որ նույն օրը ժամը 14.00-ին Մաշտոցի պողոտայի 40 շենքում գործող հոգեբանական կենտրոնում 1983 թ. ծնված Հրանտ Հ.-ն թուղթ կտրելու դանակով հարվածներ է հասցրել Ռ.Պ.-ի դեմքին և գլխին՝ պատճառելով վնասվածքներ:
Նշանակվել է դատաբժշկական փորձաքննություն: Կատարվում է քննություն:
ԶԼՄ–ների տեղեկությունների համաձայն`տուժողը «ԱՅԳ» հոգեբանական ծառայությունների կենտրոնի ղեկավար, հոգեբան Ռուբեն Պողոսյանն է։ Նախնական տեղեկություններով՝ նրա վրա հարձակվողը հոգեկան խնդիրներ է ունեցել։ Հիվանդանոցից տեղեկացրել են, որ հոսպիտալացման պահին դանակահարվածի մոտ առկա է եղել առատ արյունահոսություն և ծանր աստիճանի հեմորագիկ շոկ:
Նրան անմիջապես տեղափոխել են վիրահատարան, որտեղ համապատասխան մասնագետները բուժօգնություն են ցուցաբերել: Վիճակը ծանրացել է արյան մեծ քանակի կորստի պատճառով, ինչը հանգեցրել է նաև կրկնակի ծանր ինֆարկտի զարգացմանը: Ներկա պահին վիճակը գնահատվում է ծայրահեղ ծանր:-0-