Ծննդկանը մեղադրում է բժիշկներին իր նորածնի մահվան մեջ (ՏԵՍԱՆՅՈւԹ)

ԵՐԵՎԱՆ, 24 նոյեմբերի. /Նովոստի–Արմենիա/. Ծննդկան Լարիսա Շահբազյանը մեղադրում է Երևանի «Շենգավիթ» ԲԿ–ի բժիշկներին իր 36 շաբաթական նորածնի մահվան մեջ։

Ինչպես հաղորդում է azatutyun.am–ը, Լարիսայի հարազատները պատմում են, որ դեպքից շաբաթներ առաջ հղին իրեն վատ է զգացել, Արմավիրի բժշկական կենտրոնում տեղեկացրել են, որ պտղաջրերի վաղ արտահոսք է սկսվում ու Լարիսային տեղափոխել են Երևանի «Շենգավիթ» բժշկական կենտրոն, որտեղ ընդունող հերթապահ բժիշկը վստահեցրել է, որ ամեն ինչ նորմալ է, նախապատրաստել են ծննդաբերության, սակայն մեկ ժամ հետո փոքրիկի սիրտը դադարել է բաբախել։

Հարազատները պտղի մահվան մեջ մեղադրում են բժիշկներին, ովքեր ժամանակին չեն ցուցաբերել անհրաժեշտ բժշկական օգնություն։

Իսկ թե ինչն է եղել պտղի մահվան պատճառը, կպարզվի դիահերձումից հետո:-0-