ԵՐԵՎԱՆ, 31 հուլիսի. /Նովոստի-Արմենիա/. Բուժաշխատողները դուրս են եկել Երևանի ՊՊԾ գնդի գրավված շենքի տարածքից, երբ զինված խմբավորման անդամները քնած էին:
Այդ մասին հայտնել է պատանդ բժիշկներից մեկը՝ Նորայր Թևանյանը:
Համացանցում հրապարակված տեսանյութում նա ներկայացրել է, թե ինչպես են նրանք հայտնվել ՊՊԾ գնդի տարածքում և ինչպես են դուրս եկել այնտեղից:
Թևանյանի խոսքով, հուլիսի 27-ին ավագ բժիշկը երկու բրիդգադ բժիշկ է պատգարակներով ուղարկել ՊՊԾ գնդի շենքի մոտ՝ վիրավորներին դուրս բերելու համար: Նրանք բուժոգնություն են ցուցաբերել վիրավորներին, վիրակապեր են դրել, սակայն զինված խմբի վիրավոր անդամները կտրականապես հրաժարվել են հոսպիտալացվելուց: Ապա, բժիշկի խոսքով, նրանից խլել են հեռախոսները և ասել, որ բրիգադը դուրս կգա տարածքից, երբ գա առողջապահության նախարարը:
«Մենք ունեինք միայն մեկ արկղ դեղորայք, քանի որ նախատեսվում էր վիրավորներին հոսպիտալացնել», - նշել է Թևանյանը: Նա ավելացրել է, որ երիտասարդ բուժակին զինված խմբի անդամները շուտ բաց թողեցին, քանի որ մտավախություններ ունին, որ նա կարող է խուճապի մատնվել և անզգույշ քայլեր անել: Երկրորդ բժիկը դուրս է եկել գրաված տարածքից, երբ տեղափոխում էր վիրավորներին:
Բժիշկի խոսքով, խմբավորման անդամները ասում էին բժիկներին իրենց մասնագիտական պարտավորության մասին և զգուշացնում էին վտանգի մասին, եթե փորձեն դուրս գալ տարածքից: «Նրանք զգուշացնում էին, որ խմբի երիտասարդ անդամները կարող են զայրանալ և կրակ բացել, և նույնը, նրանց խոսքով, կարող էին անել մոյւս կոմում գտնվողները՝ իրենց խմբի անդամների տեղը դնելով», - նշել է Թևանյանը:
Նա նաև նշել է, թե ինչպես են դուրս եկել գնդի տարածքից: «Ուշ էր, հնարավոր է, որ լարված օր էր, նրանք քնած էին: Ես արթնացրեցի բուժքրոջը, և մենք դուրս եկանք», - ասել է Թևանյանը՝ ավելացնելով, որ հակառակ դեպքում նրանց դժվար թե բաց թողեին:
ՊՊԾ գնդի շենքը զավթած անձինք պահանջում են ազատ արձակել Ժիրայր Սեֆիլյանին, ով կալանավորվել է շուրջ մեկ ամիս առաջ մի խումբ անձանց կողմից զենք ապօրինի պահելու կասկածանքով։ -0-